[港超] 中佬口水多過浪之 意料之外(中)嘅大敗一場

十二月田猛臣8

20230326_f08115dacb5ab605d100i0pFfaRLWyTp.jpg

                               
登錄/註冊後可看大圖

                               
登錄/註冊後可看大圖

前言/廢話︰如果今季季中換人最多，一定係深水埗，在換咗人之後，表現係有進步，但係只可以從U23身上攞到分。其實仲有一隊都換咗唔少人，呢一隊就係流浪，不過同深水埗唔同，流浪喺換咗人之後，成績有明顯進步，最近在菁英杯贏過傑志，聯賽贏理文差啲斷咗理文爭標希望，中佬個人係比較期待可以睇到神田夢實嘅演出，不過又怕佢一陣真係大殺四方，炒起深水埗！
.
門票︰正價80蚊，中佬本身係季票會員，所以今場係包在季票之內。
上半場︰雙方公佈出場陣容之後，中佬嚇一跳，首先係深水埗下半季加入嘅兩位主力波比同捷西斯連後備都無份，鄧子均客串中堅，波比嘅位置由久違咗奧恩博代替。
至於流浪方面，本身中佬唔熟佢哋嘅陣容，不過同樣唔見咗神田夢實，另一位前鋒伊巴謙就正選。流浪一開波就反客為主，唔同你客氣，用嘅戰術亦都十分簡單，就係中後場球員攞到波之後，大腳吊上去前面俾兩位前鋒去衝，由於深水埗本身後防都唔係好強，今日仲要少埋波比同捷西斯，流浪不停用兩位前鋒嘅身型同體力壓，深水埗後防真係有啲驚！不過上半場體力夠之時仍然可以頂住！
點知去到25分鐘就迎嚟呢場波嘅轉捩點，基藍馬喺大概三十碼點犯規，而沈云燮直接勁射主楣彈出，而流浪球員把握機會立即反擊，大腳吊去前俾兩個前鋒去爆，結果由右路嘅伊巴謙傳中俾祖連奴射入，流浪領先一球！
之後深水埗都嘗試去反撲，不過成效唔大，而流浪本身最殺食係快速反擊，但當壓住深水埗喺半場去攻之時，反而無咩著數。本來覺得如果守住只係落後一球，下半場仲有反撲機會，回知去到完場前時間，祖連奴左路傳中，流浪嘅7號小禁區頂入......唉！最怕嘅狀況又出現！
去到臨完半場輸到第二球，的確係雪上加霜，不過以今日嘅深水埗，情況係「沒有最壞，只有更壞」，補時最後階段，流浪又搏到一個角球，開出前柱混戰中奧力斯拍出不遠，俾流浪嘅5號篤入，之後連中圈開波都慳返，球證直接吹雞完半場，看台上深水埗球迷都一臉茫然，就咁就落後三球返入更衣室！
.
下半場：由於補時再失多兩球，基本上今日一分都凍過水，問題係下半場仲會失多幾多球？有無機會破蛋！？結果唔夠5分鐘又失波，右邊罰球開出，門前混戰，奧力斯已經救出，不過仍俾在門前嘅基藍馬執死雞射入成0:4。今日深水埗嘅中路漏洞好大，57分鐘左路斬中，費南度輕鬆頂入成0:5，之後67分鐘角球，今次就到伊巴謙頂入死角成0:6。
深水埗下半場當然都有盡力進攻，不過始終係實力有限，陳灝同劉浩霖都有射門，不過就唔中龍，而最有破蛋機會喺84分鐘有一球攻門，點知又係中楣而出！
輸到六球，深水埗出現崩盤都無可奈何，去到補時流浪仍然有力逼搶，最後連正路十分可靠嘅都出錯，解圍唔切被祖連奴搶咗，最後流浪由伊巴謙射入成0:7完場！
.
入場人數：525人，可能500人左右都係深水埗嘅基本盤。
.
總結︰首先，中佬並無睇唔起流浪，流浪今季在菁英杯打低傑志，聯賽又殺低理文，不過當深水埗公佈陣容之時，少咗兩位後防大將，都心知不妙！但當流浪亦無神田夢實之時，中佬又有返少少搶分嘅希望！
如果沈云燮中楣的一球可以首開紀錄的話，可能就唔會輸得咁離譜，不過足球場就無如果，你呢頭中楣流浪立即反擊跟住打開紀錄，你亦都無嘢可講.....至於其他敗筆之處好似係完半場前失兩球，下半場一開波又失，防守死球完全唔到位，到最後連可靠嘅沈云燮都出錯，都真係無嘢好講！
.
2022~23球季最後一場主場聯賽比賽，2023年5月7日15:00，對手係東方龍獅
.
16/17 つづく......