[港超] 中佬口水多過浪之 終於又摸多一分

十二月田猛臣8

                               
登錄/註冊後可看大圖

                               
登錄/註冊後可看大圖

20230422_b4c4a6c789e790e9d5cfW8Y6VzYC0vB5.jpg

前言/廢話︰兩星期一場菁英杯例行公事，深水埗意外地作客贏咗大埔，其實當日過程都正常，主要係因為場地濕滑，大家都有「煽腳」而影響咗發輝，同埋去到最後階段球證太過「鬆手」，唔判紅牌令到場波加添火藥味！不過呢啲正常就唔會影響呢一場聯賽嘅表現，因為畢竟香超規模細，而且球員本身可能都識，打到慶起有時粗野咗就難避免，不過就唔會好似外國一啲球隊因為地域、歷史問題而有所謂「仇深似海」嘅狀況。
由於之後兩場聯賽對手都比較強，尤其係理文仲一定要贏先可以出現「終極決戰」，所以如果有機會搶分，對大埔應該係有機會，而且上一場雖然係菁英杯，但係深水埗展示咗同大埔無無得打，而大埔當然唔想再輸多一次俾深水埗！
為咗呢一場波，中佬都要犧牲深圳今季中超嘅首輪比賽，不過呢個就另一個故事，中佬點都有辦法「撩」上深圳睇中超。
.
門票︰正價80蚊，中佬本身係季票會員，不過今日客場的比賽仍是有送門票。
.
上半場︰開賽前大埔同深水埗各有主將缺陣，大埔前鋒保連奴因傷，而深水埗則有杜國榆離隊，後來公佈係去咗中甲，咁當然，對大埔影響應該比較大。另外休息咗幾場嘅波比終於復出，希望憑佢難打的作風可以穩定深水埗嘅後防。
可能由於兩星期前大埔主場輸波，今場唔想再輸，所以一開波就採主動，僅僅只係5分鐘大埔就有一個有威脅嘅埋門，仲將個波送咗入網，只不過球証一早已經吹咗大埔7號犯規在先。深水埗大難不死，跟住就……唔知係唔係太熱，雙方都好似有心無力，大埔就做唔到太多有威脅攻勢，極其量斬高波埋去搏吓懞，不過真係有威脅唔多！
而深水埗主力中場同大埔混戰，做到攻勢埋去威脅謝家榮更加小，最後即使在深水埗最易失波嘅時間都無事發生，0:0完半場！
.
下半場：
開波後大埔進一步壓上前，不過戰術上無太大分別，好多時都係用高空波去轟深水埗，令到守門員王子聰比上半場更忙，不過整體嚟講大埔嘅攻勢中，只要王子聰唔出錯，基本上就好難入波，結果王子聰多次接波或打手搥下，大埔就係攻唔入！
深水埗就只係憑下半場初段一個角球，由助攻嘅捷西斯頂中網側，成為下半場最有威脅嘅一次。
去到末段之時，大埔都盡地一煲搏三分，放棄防守，將加比爾調埋上去踢前鋒。總體而言下半場大埔係佔有一啲優勢，不過又唔係話好壓到性，而王子聰下半當然比較繁忙，不過嚴格嚟講佢忙得嚟，所有射門都係可控制範圍，亦都未至出現「神救」！去到最後，大家都無辦法破門，0:0握手言和！
.
入場人數：422人，對於兩隊嚟講其實都無乜好爭，入場都可以算係基本盤。
.
總結︰今日日頭其實真係好熱，下午球場已經去到35度，所以相方球員都好辛苦，中佬亦覺得佢哋今日跑動速度都比兩星期前慢。
而且老老實實，依家已經係季尾，深水埗對大埔呢一場對聯賽排名唔會有影響，反而下星期深水埗對理文，賽果係會對聯賽冠軍有影響，所以呢場勝負都唔緊要之下，雙方和氣收場亦都係合理。而深水涉喺聯賽加添一分之餘，亦首次喺U23以外嘅球隊攞到分！
.
2022~23球季最後一場主場聯賽比賽，2023年5月7日15:00，對手係東方龍獅
.
18/19 つづく......