金融夜遊人8
注册會員
UID 1028
精華 0
積分 181
帖子 79
閱讀權限 20
註冊 2025-12-3
|
日日賭當返工就預咗隨時有日會輸，贏就贏四位數、輸就輸五位數，只係浪費青春和金錢。
其實賭仔日日賭，自己可能都覺得 會唔會日日都贏呢？因為每日都係度不斷賭咁運氣，其實自己或多或少都心照，只不過唔想面對現實，因想時間自由、又唔使受氣、又唔使付出勞動咁去賺錢。
要想當返工咁贏錢，一定要有固定一套高勝率方法、而又不能貪心，達標要收手，咁先有d機會可以穩定盈利，注意只係有d機會，我係賭板咁多年，只見過兩個人係網上自稱可以做到 而又未被網友踢爆造假👇🏻：
1) MacauWinner：疫情時期，佢出過帖過咗去澳門隔離 然後開工，自費住多米酒店，亦自稱成功行職賭好多年，用咗好多年成績說服左老婆及家人的認可。
個人意見：佢自稱以前係開運輸公司，之後捱唔住執咗笠，就去左做職賭，雖然已成功多年，但好似唔係連續性一直做，例如佢話中間試過去打工做某公司嘅大中華乜乜總監 負責開拓內地其他城市業務，但最後同老闆不合，所以炒老闆魷魚，犀利🤣一做就做總監？🤔，算啦，睇故唔好駛故。但我之後網上Google發現佢喺香討好多年前(201x年)出過帖問 海港城 散工保安$600/日 好唔好做？
2) 滑鼠墊(人稱鼠叔)：佢以前曾經活躍過賭板一段長時間，分別用過主帳號及其他帳號出帖，因為主帳號被封，又係自稱冇返工的職業賭徒，已跳場方式每次贏兩三千收工 有時只贏千幾蚊，話係珠海買咗樓用嚟退休，係疫情期間曾經去澳門隔離 開工(好似唔止一次, 去左兩次)，但係好快就回港(大概留澳不足一個月)，仲話賺咗既錢夠交珠海樓既物業稅(當時出過圖, 好似交過萬人仔)，當時我亦留言過話 既然成功，點解留澳門咁短時間就返香港，梗係繼續留係澳門執錢啦。
佢返到香港之後亦曾經去過地盤做散工，話人工OK(好似日薪800, 唔太記得, 總之沒有過千)，可以一邊打工 一邊等通關。
疫情過後就冇乜點見佢出帖，有間唔中出過一兩次帖有出金巴車飛話去澳門執錢，仲話係大陸已住咗一段時間亦認識咗一d當地朋友，咁到底當時係仲住緊大陸 定係 已經返香港住？因為張金巴車飛係寫由 香港去澳門。定係仲住緊大陸 而有事返左香港，所以先坐金巴去澳門開工？曾經有版友踢爆過佢偷咗張 靚酒嘅圖當係自己既發出嚟炫耀。
至於佢嘅職賭成功與否，有唔少人質疑，有人話見佢咁多年出戰報好似淨係輸過一次，仲要嗰次輸咗之後第二日即刻贏返有多😂。亦有資深職賭話過 差不多日日去賭，冇可能咁多年淨係輸過一次。
[ 本帖最後由 金融夜遊人 於 2025-6-8 05:23 編輯 ]
|
|
