uturn28 新手上路 UID 3311 精華 0 積分 30 帖子 13 閱讀權限 10 註冊 2025-12-6	即係業餘仲好波過職業？ 之前post錯地方,post多次 睇完安達臣訪問有感(1) 覺得安達臣是個有心教練,希望佢可以將多D心力,放係青訓. 安達臣認為:「港隊的進步或許已到樽頸.」 亞洲杯賽前一個月集訓備戰只是雞精班,頂多改善到體能,強度. 至於足球技術,對班成熟球員黎講,唔係話改就改. 足球技術,其實始於十多歲,中小學時候成型,入左身體記憶到成長變自然反應. 對有潛質學生,絕對可以提供進一步有系統足球技術訓練. (注意,係有系統專業足球技術訓練, 唔係貼係7仔門口D-暑期西班牙足球訓練班個D課外活動.) 但出現另一個大問題,對於呢班潛質足球新血,點樣可以留住佢地? [ 本帖最後由 casiogirl 於 2024-1-27 19:27 編輯 ]
2021-4-22 18:19:59 #11

09876548 注册會員 UID 3173 精華 0 積分 65 帖子 30 閱讀權限 20 註冊 2025-12-6	睇完安達臣訪問有感(2) 聯賽怪物 安達臣認為: 「球員回到球會的訓練是完全不同.」 「當球員回到聯賽後面對一些弱旅,水平又會下降」 -香港聯賽,水平低,衛生波,睇嗰個無癮,踢嗰個又無癮,又有薪資待遇等問題, 呢隻怪物,請問點樣可以吸引到班足球新血? 「要改革港超聯賽制,要改革港足球體制.」安達臣話: 之前有個C兄建議香港不如集中資源打幾隊,打中國聯賽,其實方向唔錯(觀眾都多D,相信sponser都多D) (香港都有隊金牛隊,打中國男子籃球聯賽) -當然,又會涉及運動以外觀點. -又會有人認為,中國聯賽水平一樣低.(呢樣要問多D安永佳.) -如果認為自己夠班,整隊去打英超,法甲,德甲都得. 但真係要改革的話,首先,香港班足球話事人,多謝你! [ 本帖最後由 casiogirl 於 2024-1-27 19:24 編輯 ]
2021-4-22 18:20:54 #12

uturn28 新手上路 UID 3311 精華 0 積分 30 帖子 13 閱讀權限 10 註冊 2025-12-6	睇完安達臣訪問有感(3) 香港足球,一路體制是原因,球場表現是結果. 班足球話事人,唔好話唔關事. 足球話事人們,多謝您們多年努力,係時候休息. 如果想張卡片多個 title,玩其他野,唔好玩香港足球. 大家猶記得亞運有場比賽,會認為水平可以足夠, book晒大螢幕,有晒高官,等贏波,就知道乜野心態. 亞運同亞洲杯,多左人關注香港足球,要改,係時候. 香港足球,請交比真正有心人,希望安達臣教練可以有多D權,重建香港足球. 如果今日開始改革,兩代後足球,先有新景象.
2021-4-22 21:05:06 #13

09876548 注册會員 UID 3173 精華 0 積分 65 帖子 30 閱讀權限 20 註冊 2025-12-6	香港踢巴勒斯坦前post過,亞運同亞洲杯多左人關注香港足球, 下次唔知到幾時,想post多次. 請問什麼是踢得好?(1) 從亞運開始,到亞洲杯,不時聽到話(港隊踢得好) 想知道踢得好定義: 1)控球率 2)傳球成功率 3)攻門次數 4)入球數目 5)球員技術 相信以上是踢得好的基本定義.
2021-4-22 21:05:46 #14

casiogirl8 新手上路 UID 3313 精華 0 積分 26 帖子 12 閱讀權限 10 註冊 2025-12-6	請問什麼是踢得好?(2) Apply to 港隊,亞洲杯數據是: 1)控球率低 評述話踢得好,同對手有得踢. 有無得踢睇吓控球率就知道.港隊控球率平均得二幾個% 講控球率,即中場之戰,決定攻擊,防守,分波,交波,轉方向.etc. 自己控球率低,代表人地控球率高. 港隊基本特色係無中場,即代表無球在腳, 即代表你要走去搶波,你要多用體力.所以成日聽到(迫搶迫搶) 你唔可以話球員唔努力,但全場大部分時間都是,跑啊跑,搶啊搶,走啊走... (足球是需要跑的運動,但你要帶住個波跑先有用) [ 本帖最後由 casiogirl 於 2024-1-27 19:56 編輯 ]
2021-4-22 21:06:38 #15

casiogirl8 新手上路 UID 3313 精華 0 積分 26 帖子 12 閱讀權限 10 註冊 2025-12-6	請問什麼是踢得好?(3) 2)傳球成功率低 傳球成功率同控球率係兄弟,同上,傳唔到波,代表又要走去搶,又再迫搶迫搶... 傳球斷纜唔成功,攻擊變防守,防守唔到變失波. 常常見港隊9牛2虎努力地搶到個波,但好快2,3腳又努力地傳失. 地波傳唔到,絕招又係,高Q大棍,後場釣個波上前場湧,博大霧. (所以常常見香港D波係頭上天空撞黎撞去,彈黎彈去,落唔到地.)
2023-10-5 09:59:51 #16

casiogirl8 新手上路 UID 3313 精華 0 積分 26 帖子 12 閱讀權限 10 註冊 2025-12-6	請問什麼是踢得好?(4) 3)攻門次數少 控球率+傳球成功率低,攻門次數,自然地,無需解釋. (如果攻門次數多,但傳球率低,美斯可能做到,1條友後場帶波上前場,自己射門唔駛交波) 4)入球數目 入到球,當然好,但唔代表一定踢得好. 無入球,亦唔代表一定踢得差. 如果 低質,控,傳,混戰式撞入球比賽 vs 高質,控,傳,攻,但 0-0 比賽 會選擇後者 [ 本帖最後由 casiogirl 於 2024-1-27 20:17 編輯 ]
2023-10-5 10:00:51 #17

casiogirl8 新手上路 UID 3313 精華 0 積分 26 帖子 12 閱讀權限 10 註冊 2025-12-6	請問什麼是踢得好?(5a) 5a)球員技術 優質運動員有大特點-a)聰明b)懂得騙人,特別球類運動. 回到足球,以為傳,原來射,以為射,原來cup. 假身假腳假動作急停插花,就是用來騙對手. Apply to 港隊: 例1:球員A,中場位置,有球在腳,背對對手. 球員A竟然主動轉身,將皮球向背後對手方向踢,人地就1聲thankyou,搶走個波. (亞運都見佢常用此絕招-(解圍當入波),但未成功過) 喂,老友,對手後面行住你,人地後面踢你,佢犯規. 你可唔可以睇吓有無其他options,先主動轉身交出控球權? (要知道,係旺角街場踢,個個都係小志強,直線帶波撞開對手. 出到去,sorry,人地個個都叫亞洲大志強) [ 本帖最後由 casiogirl 於 2024-1-27 20:03 編輯 ]
2023-10-5 13:03:56 #18

casiogirl8 新手上路 UID 3313 精華 0 積分 26 帖子 12 閱讀權限 10 註冊 2025-12-6	請問什麼是踢得好?(5b) 5b)球員技術 Apply to 港隊: 例2:球員B,前場位置,有球在腳,面向對手,單對單,之後就會到龍門. 球員B好似時間,地球轉動停止左,身體雙腳好似粘住膠水,生硬生硬,loading,loading...唔知想點. 人地就1聲thankyou,搶走個波. (多次直播中,包括本地比賽,香港球員可以有單對單個人突破能力係------0Zero) [ 本帖最後由 casiogirl 於 2024-1-27 20:04 編輯 ]
2023-10-5 13:04:41 #19

casiogirl8 新手上路 UID 3313 精華 0 積分 26 帖子 12 閱讀權限 10 註冊 2025-12-6	請問什麼是踢得好?(6) 6)電視足球直播評述話踢得好 電視班足球評述有個approach -開波前,充滿希望. -評述1面倒,成日聽到(迫搶迫搶),迫搶=羅唔到個波. -掂到波皮叫好波,踢得無表現就幫手找藉口. -連藉口都無,就汲取經驗,汲取教訓,獲益良多,精神可嘉,雖敗由榮...etc. (睇電視新聞見到香港足總D餐會,班評述都係坐上客.only想到3個字(維,威,喂) (聽講波,得何輝會講D中肯,有技術改進意見)
2023-10-5 13:05:12 #20

Powered by *海燕策略研究論壇*2006-2025 Processed in 0.054810 second(s), 19 queries .

GMT+8, 2025-12-8 18:09 Archiver|小黑屋|*海燕策略研究論壇*