三箭(3AC)破產事件全記錄三箭(3AC)破產事件全記錄

disclaimer188

淨係爭voyager一間都670million 
條數都應該搞唔清啦
https://www.cnbc.com/2022/06/27/three-arrows-capital-crypto-hedge-fund-defaults-on-voyager-loan.html

xianrenb8

咁有無提過任何抵押品？
voyager 又唔係十大 CEX ，點解三箭肯用佢地服務？
係唔係借三箭呢單野賣廣告？

sib8

第一, 如果抵押品仲值錢過借回來的錢, 點解要借? 直接賣抵押品去玩仲着數. 而借錢目的就係要倍大槓桿
第二, 如果吾玩槓桿, 根本無能力還到高息比投資者, 由其是債主.
第三, 佢大手入左LUNA/UST, 呢兩隻幣係跳涯式咁跌, LUNA講緊係一日99%咁跌, 抵押品只不過係借款的價值130%左右, 明顯債主都要輸錢.
第四, 您去銀行借錢買樓, 假設做9成按揭, 比100萬, 借900萬. 無錯, 您係抵押左價值1000萬既樓去借900萬. 但吾好吾記得, 當樓市暴跌時, 只要跌超過10%, 您就係負資產, 而銀行就算立即沽出市場,都不能收回900萬借款, 假設賣左800萬, 而債仔破產, 銀行就會損失100萬. 就算債仔應承還回差額100萬,都需要長時間先做到, 而銀行就代表即時失去左100萬流動性. 萬一同一時間擠提, 銀行根本無能力去立即還回100%存款比客戶. 宜家CELSIUS, 三箭就係發生緊呢D事. 大量客戶要贖回, 佢地無咁多現金, 被迫賤賣資產但都不足以償還100%, 唯有破產或暫停出金拖得就拖, 希望個市上返.
其實好多金融機構都有呢D問題. 例如D借貸平台咁, 如果無人借錢, 只有人存錢收高息, 根本就係蝕本生意. UST就係咁, 比20%息吸引左好多人存錢, 但借出去的實在太少, 結果每日虧損.

xianrenb8

正常抵押品要值錢過借出的款項， crypto 世界更加如此。
以我所知，下面 d DeFi lending / CDP project 都係咁：
https://aave.com/
https://compound.finance/
https://nereus.finance/
https://oasis.app/
就算唔係，我唔信 0 抵押品下可以借到巨額款項。
相關新聞，至少應該提過抵押品可以抵償幾多，實際剩幾多要還。

sib8xianrenb8

只要明白一點, 如果比130蚊去借100蚊, 用意何在先?
對沖基金目的係賺最多既錢, 所以一定會做槓桿.
借貸市場上吾一定要有抵押先借到錢. 您去碌卡爆左吾還, 都吾代表您資產一定高過欠款.
做按揭有二按三按, 但其實由頭到尾都係得一件抵押品.
三箭吾一定只透過CRYPTO市場借錢, 可以係銀行, 可以係財仔. 亦可是抵押股權等等.
亦一定同左吾少大戶有枱底協議, 否則人地點會支持您. 正如新股IPO, D所謂名人認購, 個個都有枱底協議, 包賺, 否則點解要幫您?
您可以話係PONZI亦得, 新客資金就係用來FEED舊客, 而只要CRYPTO市場無暴跌, 資產越來越值錢, 就有足夠還款能力. 但當新客無晒, 舊客要贖回時, 又咁啱市場暴跌, 咁三箭又憑咩能力還到錢呢?
我唔係三箭的客，亦唔係相關人仕。
但係我就覺得網上關於三箭的消息，不可盡信。
首先，話佢蝕錢，究竟係點蝕錢先。
如果話佢玩到呢種可以蝕突的 margin ，咁佢有無玩安全好多既 option 先？
option 的話，本身有摃捍效果，無理由要借錢買喇掛？
咁有無消息，佢 option 方面蝕幾多？
我就無聽過喇。
佢蝕錢件事，真係無值得懷疑的可能性？
仲有之前都講過，三箭係 hedge fund ，賺的係幫人管理資產的服務費。
根本無理由要博咁盡，搞咁高摃捍的投資。
借巨額資金俾佢班人又有無問題呢？
咁高風險，可以話借就借到，還唔到時又驚死到咁。
借出去果陣，有無盡過職責檢查條件合唔合理㗎？
會唔會係同黨，實質係一齊詐騙犯案？

jc2022hk8

師兄你究竟係真傻定扮傻？
三箭呢d大戶問行內人借錢一定要跟DeFi個套？
唔好話計乜野Collateral coverage ratio，就算唔使Collateral佢未爆廠之前都一樣大把機構借俾佢啦下話

sib8

現實係，您走去成立一間對沖基金公司，無資本？全部都係客戶既錢？您無星光泣泣既所謂基礎投資者，人地識您老鼠？邊個會投資您個基金？如果您啲客實力好似您同我咁，您認為有人會肯投資咩？
新股都一樣，您無基石，無可能可以集資好多錢，但股票始終係公司，係有睇得見既野，相反，一間對沖基金公司，有無睇得見既資產？估值?背後吾係靠果班知名大戶，您認為可以經營得到咩。果班大戶吾係無償幫佢的，全部都有利益，宜家出事，果班人要走，無人願意再投資落去，咁個基金只可以變賣資產。問題係，果班所謂基石，全部都有枱底協議，宜家要還錢加利息比果班人而個市又差，賣晒啲資產都吾夠還晒比所有投資者。
對沖基金並不是只賺commission. 您估係強積金咩。佢地賺係有分紅。所以市好果時，每年花紅可以係好誇張，做金融既人一定清楚。做基金個個都想有好表現，所以一定會用好多槓桿，衍生工具去滾大舊錢。
至於假新聞，我吾排除呢個可能性，但幣市係好透明的，三箭爆倉，相關債主平台被迫要打貨，呢啲係睇到的，每日有幾多資金被爆倉亦係公開的。celsius財困係好明顯的，無得做假，至於總欠債幾多就好難講。

xianrenb8

咁我點都算識少少財務會計。
我就唔係點信相關新聞果種講一邊數據就算數個套。
三箭若咁有實力，就更加唔駛同人借錢啦！
當然夠本賠俾人。
咁邊個版本才啱？
至少到現在，在此帖都無人講到究竟三箭點樣可以做到合理地蝕突。
CEX 上玩 margin 要保證金。
根本唔駛再同外面借。
爆倉就自動計數。

jc2022hk8

主要GBTC LUNA同ETH都蝕好多 所以先至會爆倉 槓槓去得太盡啦
不如你睇完條片自己上網fact checke清楚先再俾意見啦

xianrenb8

https://www.threearrowscap.com/news/
check 左，仍然無公布話財務上有問題或者要破產。